Salom do’stlar va saytim mehmonlari. Bugun ko’pchilikning talablariga binoan Yandex Dengida identifikatsiyadan o’tish to’g’risidagi maqolani yozishga qaror qildim. Albatta barcha electron hamyonlarda identifikatsiyadan o’tish juda muhim. Chunki, agar Siz identifikatsiyadan o’tmasangiz, birinchidan Sizning imkoniyatlaringiz cheklangan bo’ladi. Ikkinchidan esa, Sizga xizmat ko’rsatish masuliyatsizlarcha bo’ladi.

Ya’ni, Sizning biron joyga o’tkarmoqchi bo’lgan pulingiz o’tmay yo’qolib qolish ehtimoli ham kuchli bo’ladi. Bunday hollarda Siz biron narsani isbotlab berishga ham ojiz qolasiz. Chunki Sizning kimligingiz boshidan noma’lum bo’ladi (anonim). Shuning uchun ham electron hamyonlaringizni albatta identifikatsiya qilishni tavsiya qilaman.

Demak, bugun Yandex Dengida Rossiya davlatidan tashqarida turib qanday identifikatsiyadan o’tishni ko’rib chiqamiz. Bu maqolada ko’rsatilgan ko’rsatmalar quyidagi mamlakatlardan turib amalga oshirish mumkin: Gruziya, Misr, Ispaniya, Yaman, Qozog’iston, Qirg’iziston, Kipr, Xitoy, Kuba, Latviya, Litva, Moldova, Mo’g’uliston, Polsha, Ruminiya, Tojikiston, Tunis, Turkmaniston, O’zbekiston, Ukraina, Chexiya, Estoniya.

Yandex Dengidan qanday identifikatsiyadan o’tish kerak

Arizani pochta orqali qanday yuborish kerak

Bu kimlarga to’g’ri keladi: Barcha mamlakatlar fuqorolariga.

Qancha turadi: Pocha xizmati, notaries va tarjimon xizmatlarini hisoblang.

Qancha kutish kerak: Yandex Dengi tashkilotiga arizangiz etib borgandan keyin 7 ish kuni (uzog’I bilan).

Qanday hujjatlarni tayyorlash kerak

Ko’p hollarda ikkita hujjat:

1. Pasport nusxasi-bosh sahifa (surati bilan) va ro’yxatga olish sahifasi (agar bo’lsa).
2. Identifikatsiyadan o’tish uchun ariza – to’ldirilgan va nusxalangan.

Ariza blankasini bu yerdan yuklab oling

 DIQQAT: Agar siz jamoatchi mansabdor shaxs yoki uning qarindoshi bo’lsangiz, sizda benefitsiar yoki nafaqa ishtirokchingiz bor bo’lsa, Siz qo’shimcha ariza berishingiz kerak.

Notariusda nimani tasdiqlatish kerak

Agar Sizning passport rus tilida bo’lsa, notaries passport kopiyasini tasdiqlaydi tamom.

Agar passport rus tilidan boshqa tilda bo’lsa:

1. Arizadagi imzo haqiqiy Siznikiligini notariusga tasdiqlating.
2. Tarjimonga boring: U Sizning pasportingiz nusxasini hamda notaries tasdiqlagan arizangizni tarjima qilsin.
3. Tarjimondan keyin, yana notariusda tarjimonning imzosini tasdiqlating.

Quyidagi ro’yxatdan o’z mamlakatingiz borligiga ishonch hosil qiling:

Ozarbayjon, Albaniya, Jazoir, Armaniston, Belarus, Bolgariya, Vengriya, Vetnam, Gruziya, Misr, Ispaniya, Yaman, Qozog’iston, Qirg’iziston, Kipr, Xitoy, Kuba, Latviya, Litva, Moldaviya, Mongoliya, Polsha, Rossiya,  Ruminiya, Slovakiya, Tojikiston, Tunis, Turkmaniston, O’zbekiston, Ukraina, Chexiya Respublikasi, Estoniya.

Agar bu ro’yxatda Sizning mamlakat bo’lmasa, hujjatga apostil pechatini qo’ydiring.

Hujjatni qayerga yuborish kerak va keyinchi

Tanlovlar uchta:

• Maxsus buyurtma asosida quyidagi pochta manzili bo’yicha: 115035, г. Москва, а/я 57, ООО НКО «Яндекс.Деньги»,
• Biron bir kishi (kurer) orqali moskvadagi ofisiga: Садовническая улица, дом 82, строение 2.
• Do’stlaringizdan kimdir yaqin kelajakda Moskvaga yoki Sankt-Peterburgga ketayotgan bo’lsa, hujjatlarni unga berib yuborishingiz ham mumkin.

Pochta orqali yuborishda, jo’natmangiz manzilga yetib borishi bir necha haftaga cho’zilishini inobatga olishingiz kerak. Buyurtmangizni trek-nomer orqali Rossiya Pochtasining saytida kuzatishingiz mumkin. Agar saytda statusingiz “Вручение адресату” ga o’zgarsa, demak Yandex Dengining amaliy yordam bo’limi Sizning arizangizni qabul qilib olgan va uni ko’rishni boshlagan hisoblanadi. Tekshiruv, ariza qabul qilingan kundan boshlab 7 kun ichida ko’rib chiqiladi.

Barchasi tayyor bo’lgandan keyin Siz shaxsiy kabinetingizdagi balansingiz yonida yashil yoki sariq signal ko’rasiz. Va bu haqda electron manzilingizga ham xabar olasiz.

Shaxsiy kabinetingizdan barcha malumotlarni tekshirasiz, ya’ni imennoy statusingiz identifisirovanniyga o’zgarganligini ko’rib uni tasdiqlaysiz.

DIQQAT: agar foydalanuvchi bundan oldin Yandex Dengi tashkilotiga qandaydir ariza yuborgan bo’lsa, (masalan, to’lov parolini tiklash yoki yangi telefon raqamini ulash uchun), siz identifikatsiyaga soddalashtirilgan tartibda (elektron pochta orqali) ariza berishingiz mumkin.

Agar yoshingiz 18 ga to’lmagan bo’lsa, yuqorida aytilgan hujjatlarga notariusda tasdiqlangan ota-ona roziligi to’g’risidagi hujjatni ham qo’shib jo’natishingiz kerak bo’ladi.

Xullas, manashunday qilib Yandex Dengidan identifikatsiyadan o’tiladi. Tushunmagan, bilmagan joylaringiz bo’lsa, bemalol izohlarda qoldirishingiz mumkin, imkon qadar javob berishga harakat qilaman.

Hozircha xayr, salomat bo’ling.

Hurmat bilan Oxunjon G’aybullayev