Oxunjon G’aybullayev Umidjon og’li

Tug’ilgan sana:   9 – Oktyabr  1996  yil.

Buxoro viloyati Olot tumanida tug’ildim

Hozirgi kunda Toshkent shahridagi Inha Universitetining ( Koreya Inha Universitetining filiali) 2-bosqich talabasiman.

Salom, sizni shaxsiy blogimda ko’rganimdan xursandman. Mana bugun men ham Internetda o’z shaxsiy blogimni ya’ni o’z brendimni yaratishga qaror qildim. Bu blogda men shu paytgacha olgan bilimlarim va tajribalarimni va kelajakdagi niyat va maqsadlarimni hamfikr do’stlar bilan o’rtoqlashish niyatidaman.

Oxirgi ikki yillikdagi faoliyatim va yutuqlarim haqida:

2015- yilda Toshkent shahridagi Mirzo Ulug’bek nomidagi O’zbekiston Milliy Universitetining (O’zMU) Matematika fakulteti ATMDT yo’nalishiga imtihon topshirib talabalikga qabul qilindim. Lekin ba’zi sabablarga ko’ra o’qishni davom ettirmadim.

2015-2016 y-da ingliz tilini o’rganib, ielts sertifikatiga ega bo’ldim.

(Sertifikatni ko’rish uchun rasm ustiga bosing)

2016-yil avgust oyida Toshkent shahridagi Janubiy Koreyaning Inha universiteti filialining Kompyuter injenering bo’limiga imtihon topshirdim, va talabalikka qabul qilindim. Bu universitet 2014 yildan boshlab O’zbekistonda o’z faoliyatini boshlagan. Bir yil davomida kompyuter, internet sohasini o’rgandim.

2017-yilda avgust oyida Inha Universitetidan bir yillik akademik ta’til oldim. Shu paytgacha olgan bilimlarim va o’rganayotgan bor tajriba va malakalarimni sizlar bilan bo’lishishni o’z oldimga maqsad qilib qo’ydim va shu blogni yaratdim.

Maqsadlar!

Aslini olganda maqsadlarim juda ko’p.

Yuqorida aytganimdek bir yil davomida ingliz tilidan bilim olib ielts sertifikatiga ega bo’ldim va yana bir yil Inha universitetida ingliz tilidan olgan bilimlarimni mustahkamladim. Kelajakda shu blogim orqali ingliz tilidan olgan bilimlarimni ham siz bilan o’rtoqlashish niyatidaman.

Blogni yaratishdan asosiy maqsad:

«Zamona ilmi va fanidan bebahra millat boshqalarga poymol bo‘lur»

Mahmudxo‘ja Behbudiy. Ehtiyoji millat (1913)

Kelajak – biz yoshlarning qo’lida! Shunday ekan o’z kelajagimizni to’gri va chiroyli qurish ham o’z qo’limizda. Buning uchun esa biz yoshlar bilim olishga, to’g’ri yo’l tanlashga va bir birimizga yordam berishga mahkam bel bog’lashimiz kerak.

Ha bugungi kunda uznet to’g’risida salbiy gaplar ko’p, muhokamalar ko’p. Keling birgalashib bu gaplarni ijobiy tamonga o’zgartiraylik. Buning uchun esa bilim olib xalqimiz uchun, vatanimiz uchun, biz yoshlar uchun foydali malumotlarni ko’paytiraylik.

Bu blogni yaratishimdan asosiy maqsad, xohlardimki O’zbekistondagi har bir yosh o’z shaxsiy blogiga ega bo’lib o’z tajriba va malakalarini o’zgalar bilan o’rtoqlashsin. Va shu ishlarni amalga oshirishda mening blogim katta yordam beradi degan umiddaman.

Hа, inson be kami ko’st bo’lmagani kabi men ham bu illatdan mustasno emasman albatta, agar faoliyatimda ba’zi xato va kamchiliklar uchrab qolsa sizlardan oldindan uzr so’rayman va bu xatolarni siz kabi chin do’stlar yordamida to ‘g’irlashga harakat qilaman.

Do’stlar, shuning bilan qisqacha tarjimai holimni xozircha to’xtatib turaman. Sizlarning fikr va mulohazalaringizni kutaman. Xayr!

Hurmat bilan Oxunjon G’aybullaev