Salom qadrli do’stim. Siz bilan ushbu sayt muallifi Oxunjon G’aybullayev. Bir qancha vaqtdan buyon dasturlashni ichida yurgan bo’lsangiz va dasturlashni mukammal o’rganishga harakat qilayotgan bo’lsangiz, aslida o’zi sizni nima yaxshi dasturchi qilib yetishtirishi mumkinligi to’g’risida o’ylayotgan bo’lsangiz kerak.

Men kabi 2, 3- kursni tugatgan dasturchi talabalar o’rtasidagi odatiy ko’p uchrab turadigan savol. Lekin, yaxshiyamki, internetda talabalar savollariga javob qidirib topishlari mumkin va shu tarzda kelajakda ishga qabul qilinishlari uchun oldindan tayyorgarlik ko’rishga imkoniyatlari bo’ladi.

DIQQAT E’LON! Java dasturlash tillari bo’yisha video kurs tayyor. Video kurs haqidagi ma’lumotni quyidagi rasm ustiga bosib o’qishingiz mumkin: 

Ushbu maqolada, dasturchilar bilishi lozim deb bilganim 10 ta narsani sizlar bilan bo’lishaman. Bu C++ yoki Java-ga o’xshagan dasturlash tillarini, ma’lumotlar tuzilishi, algoritmlar va asosiy kompyuter tarmoqlari kabi muhim kompyuter ilmi, Microsoft Word va Excel kabi muhim uskunalar, Eclipse yoki Visual Studio va matn tahrirlovchilari kabi tahrirlovchilarni o’z ichiga oladi.

Bu ro’yxat albatta to’liq emas, lekin u bir dasturchi bilishi kerak bo’lgan boshlang’ich narsalar bilan sizni ta’minlaydi. Agar siz dasturiy ta’minot sohasidagi ish faoliyatni o’z oldingizga maqsad qilgan bo’lsangiz, bular siz o’rganishingiz va raqobatchilaringizdan ajralib turishingiz mumkin bo’lgan narsalar.

Xullas, quyida shaxsan men har bir dasturchi bilishi kerak deb ishonadigan narsalar ro’yxati.

Ma’lumotlar tuzilishi va algoritmlar.

Agar siz dasturchi bo’lishni istasangiz, demak, siz ma’lumotlar tuzilishi va algoritmlar haqida yaxshi bilishingiz kerak bo’ladi, buni chetlab o’tishni ilojisi yo’q. Bu dasturlashga oid ishga qabul qilinish uchun so’raladigan muhim mavzularning biri va ma’lumotlar tuzilishining asoslarini (Array-massiv, linked list, map, set) bilmasdan, haqiqiy dunyo ilovalarini yaratish imkonsiz.

Shu sababli dasturchilar ma’lumotlar tuzilishi va algoritmlarni o’rganishni kompyuter kursini o’rganish davomida jiddiy olishlari kerak.

Agar siz o’zingiz dasturlashni mustaqil o’rganayotgan bo’lsangiz, shunda ham sizdan ma’lumotlar tuzilishi va algoritmlar to’g’risida bilishingiz talab qilinadi. Aslida ko’p o’qituvchilar ma’lumotlar tuzilishi va algoritmlarni birinchi o’rinda o’rgatishadi.

Matn tahrirlovchilar.

Dasturchi sifatida matn tahrirlovchilaridan tez-tez foydalanishimga to’g’ri keladi. Bu hatto dasturchi bo’lmaganlar uchun ham va kompyuter bilan ishlaydigan har bir kishi uchun muhim uskunalarning biridir.

Men ko’pincha Windowsda NotePad++ dan foydalanaman, lekin sizda imkoniyatlar juda ko’p kuchaytirilgan yoki oddiy matn tahrirlovchilaridan foydalansangiz bo’ladi.

IDElar.

Zamonaviy IDElar dasturchilar uchun eng muhim uskulalardandir. C, C++, C# dasturchilar uchun tanlov aniq: Visual Studio. Va Phyton dasturchilar uchun Jupiter Notebook kundan-kun yaxshi tanlov bo’lib borayapti.

Java dasturchilar uchun, tanlash uchun uchta muhim IDE mavjud: Eclipse, NetBeans, Intellij IDEA. Men o’zim shaxsan uchchala tanlovni ha sinab ko’rganman. Eclipse ko’proq yoqdi, va shundan foydalanib kelmoqdaman.

Eclipse dasturidan foydalanmoqchi bo’lsangiz, ushbu maqoladan ma’lumot olsangiz bo’ladi.

Ma’lumotlar bazasi va SQL.

SQL klassik. Bu 30 yildan ortiq vaqtdan beri davom etmoqda va taxminimcha, bu yana 30 yilga yaqin davom etadi. Ma’lumotlar bazasining har yerda kerak bo’lishini hisobga olsak, dasturchidan SQL yordamida normalizatsiya va jadvalni loyihalash kabi ma’lumotlar bazasining muhim tushunchalarini bilish talab etiladi.

Ko’plab ma’lumotlar bazalari mavjud, biroq faqat bittasini bilish kifoya. Asosiy nuqta, siz ma’lumotlar bazasi bilan yaqindan tanish bo’lishingiz kerak. Ma’lumotni kiritish / yangilash / o’chirishni bilishingiz va uni olish uchun SQL so’rovlarini yozishni bilishingiz kerak.

Microsoft Excel

Excel dasturchilar, dasturiy ta’minot ishlab chiquvchilari, loyiha menejeri va ishbilarmonlar uchun kuchli vositalaridan biridir. Bu faqat elektron jadval dasturidan ko’ra ko’proq. Zamonaviy ma’lumotlarni tahlil qilish uchun juda foydali xususiyatlar va funksiyalar mavjud.

U bir nechta foydalarga ega va shuning uchun men har bir dasturchini Excelni chuqur o’rganishni talab qilaman. Ma’lumotlardan nusxa ko’chirish va joylashtirish o’rniga siz narsalarni solishtirish uchun qidirish, tartiblash, filtrlash kabi asosiy funktsiyalarni bilishingiz kerak.

Yana shuni qo’shimcha qilmoqchiman, yaqinda OLX.UZ saytidan IT sohasiga oid ish qidirganimda, ko’pchilik ish beruvchilar Excel dasturida ishlashni biladiganlarni izlayotganini kuzatdim.

Dasturlash tillari.

Dasturchi sifatida dasturlash tilini bilishingiz kerak: C ++ yoki Java, yoki Python yoki JavaScript bo’lishi mumkin. Siz xohlagan narsani tanlashingiz mumkin, lekin mening shaxsiy taklifim siz Java-ni bilishingiz kerak.

Boshlash juda oson va shuning uchun yangi boshlanuvchilar uchun yaxshi tanlov. Bundan tashqari, u juda kuchli va deyarli hamma narsani qilishga imkon beradi.

Java dasturlash tili to’g’risida BEPUL kitob yozganman, shu kitobni KURSLAR sahifasidan yoki ushbu sahifadan olishingiz mumkin.

Tarmoq asoslari

Bugungi dunyo bir-biri bilan bog’liq bo’lgan dunyo va borgan joyingizda shubhasiz kompyuter tarmoqlarini topasiz, uyingizdan boshlab, internetdan foydalanadigan maktablar, kollejlar, offislarda ham.

Siz yozadigan ilovalarning aksariyati mustaqil ravishda emas, balki mijoz-server ilovasi bo’lib, so’rov tarmoq orqali serverga o’tadi. Mijozlar sizning ilovangizga dunyoning istalgan nuqtasidan kiradilar.

Skripting tillari

6-sonda dasturiy tilni o’rganishni iltimos qildim va shunga qaramay sizdan yana skript tilini o’rganishni ham iltimos qilaman. Nima uchun? Bitta dasturlash tili scripting tili sifatida ishlatilmaydimi?

Albatta, Python kabi OOP kodlash va skriptlar uchun yaxshi bo’lgan ba’zi tillar bor va shuning uchun sizdan kamida uni o’rganishni so’ragan bo’lardim. Agar C / C ++ yoki Java dasturini o’rgansangiz, u holda Python yoki Perl dasturchisi kabi ba’zi narsalarni tezda qila olmasligingiz mumkin.

Skripting tillar dasturlash dunyosidagi vositalar yaratishni va odatiy muammolarni yechishda skriptlashni osonlashtiradi. Python kabi skript tilida yaxshi buyruqlaringiz bo’lsa, unda siz oddiy narsalarni osonlik bilan avtomatlashtirishingiz mumkin.

Xulosa:

Yuqorida bilganimcha bir dasturchi bilishi lozim deb bilganim narsalar ro’yxatini tuzishga harakat qildim, bu ro’yxatta kamchiliklar borligi tabiiy, kelgusi maqolalarda to’ldirib boramiz va siz ham o’z fikringizni kommentariyada qoldiring!

Endi esa maqolaga yakun yasab sizlar bilan xayrlashamiz, keyingi maqolagacha!