Salom do’stlar! Hozirda ko’pchilik talabalar universitetni tugatish yoki yozgi ta’tilga chiqish arafasida ish izlab yurgan bo’lsa kerak. Yaqinda men ham INHA universitetini ikkinchi kursini tugatib olx.uz saytidan ish qidirishni boshladim.

Ish izlash jarayoni katta dasturlarda (programmalarda) ishlashni biladiganlarga ko’p ish borligini, ehtiyoj katta ekanligini ko’rdim. Ushbu maqolamda ham qaysi dasturlarda ishlashni bilsangiz o’zbekistonda osongina ish topishingiz mumkinligi to’g’risida suhbatlashamiz.

Bu dasturlar quyidagi ketma-ketliklardan iborat.

1. Adobe Photoshop. Birinchi o’rinda Adobe Photoshopni yozayotganim bejizga emas. Juda ko’p sohalarda, xususan web dizayner ,web dasturchi va umuman IT va kompyuter sohasiga oid ishlarda photoshopni bilish talab qilinadi.

Shu sababli photoshop CS6 dasturini o’rganishni tavsiya qilaman. Agar siz Photoshop va qo’shimcha rus yoki ingliz tilini biladigan bo’lsangiz, runetda va ingliz saytlarida (xizmatlarida) kasbingiz bilan yaxshi daromad olishingiz ham mumkin. Masalan, frilansir saytlarida. Va yana rasm tayyorlab sotishingiz ham mumkin, bu uchun ham internetda maxsus servislar yo’lga qo’yilgan.

2. Adobe Illustrator. Yana Adobega murojaat qilamiz, Adobe Illustrator popular bo’lgan dastur va bu dasturdan foydalanishni bilgan inson ish topishda qiynalmaydi. Keling yaxshisi, bu dasturning imkoniyatlari haqida gaplashamiz, shunda bu dasturni o’rganish sizga nimalar berishini yaxshi tushunasiz.

Adobe Illustrator dasturi Windows yoki MacOS kompyuteridan foydalangan holda chizmalar va rasmlarni yaratish uchun mo’ljallangan dastur hisoblanadi. Illustrator dastlab 1987 yilda chop etilgan va u muntazam ravishda yangilanib turiladi. Illustrator butun dunyo bo’ylab yuqori sifatli rasm yaratish uchun grafik dizaynerlar, veb-dizaynerlar, rassomlar va professional rassomlar tomonidan keng qo’llaniladi. Illustrator, rasmlarni yaratish vaqtini qisqartirishi mumkin bo’lgan juda ko’p vositalarini o’z ichiga oladi.

Qanday qilib Adobe Illustrator ishlatiladi.

Adobe Illustrator turli xil raqamli va bosma tasvirlarni, shu jumladan karikaturalarni, jadvallarni, diagramlarni, grafikalarni, logotiplarni va illyustrlarni yaratish uchun ishlatiladi. Illustrator foydalanuvchiga fotosurat import qilib olishni va fotosuradagi ob’ektni kuzatish uchun uni qo’llanma sifatida ishlatishga ruxsat beradi. Bu fotosuratni eskizga o’xshash ko’rinishini qayta ranglash yoki yaratish uchun ishlatilishi mumkin.

Illustrator shuningdek matnni turli usullar bilan o’zgartirishga imkon beradi, bu esa Illustratorni matn va tasvirlarni birgalikda ishlatadigan postcartalarni, plakatlarni va boshqa dizaynlarni yaratish uchun foydali vositani qiladi. Illustratorning egri chiziq atrofida matn joylashtirish qobiliyati logo ya’ni timsollarni yaratgan san’atkorlar uchun foydalidir.

Illustrator, shuningdek, veb-sayt tugallanganda qanday ko’rinishini ko’rsatadigan va ilovalar yoki veb-saytlarda ishlatiladigan belgilarni yaratadigan mock-uplarni yaratishda ishlatiladi.

3. CorelDraw. Shuningdek CorelDraw programmasida yaxshi ishlashni biladiganlarga ish takliflari ko’p. Yuqoridagi kabi CorelDraw nima ekanligi va qanday imkoniyatlarga ekanligini ko’rsataman. Shunda bu programmani o’rganish orqali qanday kasbga ega bo’lganingizni tushunasiz.

CorelDRAW – tasvir va sahifa imkoniyatlarini o’zgartirish va qayta tuzishning turli turlarini o’z ichiga olgan rivojlangan kompyuter grafikani tahrirlash dasturi.

CorelDRAW dasturi Corel Corporation tomonidan ishlab chiqilgan Corel Graphics Suite dasturining bir qismi bo’lib, u eng ilg’or va eng yangi versiyalardan bir nechta versiyaga ega.

Ushbu dastur grafik tasvirlar va aloqa sohalarida tasvirlarni ishlab chiqarish, tahrir qilish va raqamli darajaga o’tkazish uchun qo’llaniladi.

Ko’pincha, rasm va grafikalarni noldan yaratishda foydalaniladi, shuningdek rasm va chizmalarni tahrirlash va boshqa grafikalarni xato va kamchiliklarni bartaraf etish imkonini beradi yoki xromaning turli xil effektlari, yorqinligi, kontrasti, tonal egri chizig’i, maxsus effektlar, shaffoflik, qorishmalar va boshqalar bilan taminlaydi.

4. Adobe Premiere Pro. Ushbu dasturni yaxshi o’rganganlar 800 $ dan oshiq oylik olishlari mumkin, chunki menga aynan shunday taklif berishdi, faqat bu uchun oldin Adobe Premiereda katta loyihalarni qilish qolimdan kelishini ko’rsatishim kerak edi. Afsus menda bunday bilim yo’q edi, ammo xudo xohlasa kelajakda o’rganish niyatim bor.

Quyida Adobe Premiere xususiyatlari to’g’risida gaplashamiz.

Adobe Premiere ham havaskorlar va ham professionallar uchun mos bo’lgan video tahrirlash dasturiy paketidir. U Adobe Photoshop, After Effects va boshqalar kabi boshqa ilovalar bilan birga sotib olinishi va foydalanishi mumkin.

Premiere qanday ishlaydi?

Tahrirlovchi dasturlarning ko’pchiligi singari, Premiere qattiq diskdagi video kasetaga o’xshagan manbadan videoni import qilib olish orqali ishlaydi, va keyin sizga yangi lentaga, diskga yoki boshqa muhitga eksport qilishingiz mumkin bo’lgan yangi tahrirlangan versiyalarni yaratishga imkon beradi.

Premiere nima qila oladi?

Ko’p turli formatdagi video, audio va grafiklarni import qilish.

Vizual vaqt jadvalida ushbu elementlarni tahrirlash, ishlov berish va tartibga solish.

Effektlar, filtrlar, sarlavhalar va boshqalarni qo’shing.

O’zgartirilgan videoni turli formatlarda, jumladan, video lavhalar, DV, DVD va umumiy Internet video formatlarini eksport qilish.

Demak, yuqorida aytilgan dasturlarni o’rganish orqali siz o’zbekistonda o’zingizni yaxshi ish bilan ta’minlay olasiz. Va hatto frilansir sifatida ham ishlashingiz mumkin.

Aslida bu ro’yxatga yana qo’shimcha qilish mumkin edi, lekin biz hozircha shu ro’yxat bilan cheklanamiz, qolganini esa keyingi maqolaga qoldiramiz.

Sizni qiziqtirgan mashhur dasturlar haqida bilishni istasangiz izohda qoldiring, imkonim boricha ma’lumot berishga harakat qilaman.

Xozircha esa siz bilan xayrlashamiz, xayr.